rsg simon vestdijk frjentsjer/harns

Kanon Fryske Skiednis

Freemwurk

Froeks.TV

De Friezen

MearTalen MearTakomst

Frysk as thústaal

Frysk op Skoalle

Onderwijs inspectie over Fries

Rapport Fries

 

 

 

Op dizze side fine jimme alles oer Frysk en Fryslân op ús skoalle. Hier op deze site vinden jullie alles over het Fries en Fryslân op onze school.

Frysk Evenement in 2010....

Zo vlak voor de kerstvakantie is de werkgroep Fries van onze school, beter bekend als de commissie "Hannen en Fuotten", druk bezig met de voorbereidingen van een nieuw evenement. In de tweede helft van januari krijgen jullie daarover meer informatie.

Eerdere evenementen......

Alve Stêdetocht 2009

Op tongersdei 15 jannewaris hawwe wy op skoalle de Alve Stêdetocht 'riden' Fan it earste oere oan't achtste hawwe wy de 200 kilometer trochwraksele. Hjir en dêr klúne en sa no en dan efkes skoft mei waarme poeiermolke en koeke. Yn 'e middei wie d'r snert mei woarst. Alle 65 riders hawwe de einstreep op é Bonke helle.

Fryske Dei 2008

Op woansdei 18 Juny is ús twadde 'Fryske Dei ' west. Yn en bûten de skoalle hiene wy aktiviteiten, sa as in ekskurzje nei Omrop Fryslân, de moune fan Skalsum, it Planetarium. Wy hawwe in reis troch ús moaie Fryske lânskip makke. Wy koene keatse mei ien fan Fryslâns allergrutste keatsers: Jehannes Brandsma. Nij wie dizze kear it Fierljeppen. Wy hawwe ûnder lieding fan Thewis Hobma en ús eigen Gregor Boelens oan it fierljeppen (leach fleanen) west. Dit wie fêst en seker ien fan de toppers. En....eltsenien dy't dat wol, koe de hiele dei it Frysk as fiertaal brûke. Ek fansels foar de leararen.

sjoch hjir foar in ferslach fan de Fryske Dei

Omrop Fryslân hat in nije Hjoed meiwurker: it is ús Renate !

Ferstival 2007

Freedtemiddei 9 novimber diene 3 learlingen fan Simon Vestdijk Frjentsjer mei oan de heale finale fan de Fryske foardrachtskriich foar it fuortset ûnderwiis yn de Kuriostsjerke fan Ljouwert: it saneamde Ferstival.
Se hiene dêrfoar in Frysk gedicht goed út de holle leare moatten.
It wiene de starter Stefan Visser (klasse F1V1) en de trochsetters Ilse Draaijer en Winanda Schrijver (F2V2).
Se moasten tsjin kandidaten fan Ljouwerter, Dokkumer en Harnser skoallen.
It wie tige spannend. Ferskate learlingen wiene bot senuweftich.
De bêste foardrager is sy/hy dy't de ferbining tusken makker en tahearder it bêst oerbringe kin.
Alle trije ha it fantastysk dien. Krekt net yn de finale mar wol mei positieve beoardielings. Se gongen om fiif oere mei in dik fertsjinne roas wer nei hûs.

Freemwurk

Foar de earste klassen yn de ûnderbou fan ús skoalle brûke wy de nije metoade Freemwurk. Freemwurk biedt ús learlingen de mooglikheid om oan de hân fan autintike sitewaasjes harren mûnlinge en skriftlike taalfeardichheid op in heger nivo te bringen.

Alle learlingen binne fansels net gelyk. De talige eftergrûn ferskilt, de kognitive fermogens en ek it taalgefoel. Om’t learlingen mei Freemwurk benammen selsstannich leare, kin elke learling – Frysktalich of net – yn syn eigen tempo en op syn eigen nivo oan it wurk. Klik op 'e frosk foar de link nei Freemwurk digitaal. De foto fan de frosk is makke troch P. Winberg.

Simon Vestdijk yn LinKK

Op tongersdei 18 jannewaris hat TNT Post in grutte doaze mei de nije LinKKs by ús op skoalle brocht. Fan frou de Vos krije jimme in eksemplaar mei nei hûs. It is in tige moai nûmmer wurden. It stikje fan Jeroen, de dames Yvonne, Isle, Sygrid en Baukje mar fansels ek de fotostrip dy't makke is troch F4V2. De foto's binne makke troch Chris.

Reaksjes en bydragen binne tige wolkom !

de kommisje Hannen & Fuotten bestiet út:

H.Keekstra, C.Boersma, J. Adema, R.Abma, W. Sierkstra, S. Joostema, A. Kooistra, en J. van Zanden